Եվրոպացիներին խորհուրդ չի տրվում ամառային հանգիստ ծրագրել. Bild

Եվրոպացիներին խորհուրդ չի տրվում ամառային հանգիստ ծրագրել, քանի որ ոչ ոք չի կարող վստահելի կանխատեսումներ անել հուլիս և օգոստոս ամիսների համար: Այս մասին, ըստ գերմանական Bild պարբերականի, ասել է Եվրահանձնաժողովի ղեկավար Ուրսուլա ֆոն դեր Լյայեն. տեղեկացնում է yerkir.am-ը:

Եվրահանձնաժողովի ղեկավարը նաև նշել է, որ կորոնավիրուսի պատճառով ծերանոցներ այցելությունների արգելքը կգործի նաև 2021 թվականին:

«Պատվաստանյութի բացակայության պայմաններում տարեցների հետ շփումները պետք է սահմանափակվեն որքան հնարավոր է երկար: Գիտեմ, որ դա դժվար է, իսկ մենակությունը ճնշում է: Սակայն խոսքը կյանքի մասին է»,- հավելել է եվրոպացի պաշտոնյան:

Ըստ նրա` COVID-19-ի պատվաստանյութը հնարավոր է հասանելի լինի տարեվերջին: