Հոլիվուդյան պրոդյուսեր Հարվի Վայնշտեյնը դատապարտվել է 23 տարվա ազատազրկման

Ամերիկացի կինոպրոդյուսեր Հարվի Վայնշտեյնը դատապարտվել է 23 տարվա ազատազրկման: Ինչպես փոխանցում է CNN-ը, այս որոշումը կայացրել է Նյու Յորքի դատարանը:

67-ամյա Վայնշտեյնը, որը դատարան էր ժամանել անվասայլակով և ձեռնաշղթաներով, մեղավոր է ճանաչվել սեռական բռնություն իրագործելու մասին գործի 5 կետից երկուսով:

Նրան դեռ 5-25 տարվա ազատազրկում է սպառնում սեռական բռնության և 4 տարվա ազատազրկում՝ բռնաբարության մեղադրանքի համար:

Հոլիվուդի ամենահայտնի պրոդյուսերներից մեկի՝ Վայնշտեյնի դեմ ներկայացված մեղադրանքների մասին առաջին անգամ հայտնի դարձավ 2017թ. հոկտեմբերին, երբ The New York Times-ում այդ մասին հոդված հրապարակվեց: Պարբերականի տվյալներով՝ պրոդյուսերը 30 տարի շարունակ ինտիմ հարաբերությունների է դրդել երիտասարդ դերասանուհիներին և իր ընկերության աշխատակցուհիներին՝ կարիերային աճ խոստանալով: Հոդվածի հրապարակումից ի վեր Վայնշտեյնի դեմ բողոք է ներկայացրել ավելի քան 80 կին, որոնց թվում՝ հայտնի դերասանուհիներ Անջելինա Ջոլին, Գվինեթ Փելթրոուն և Սալմա Հայեկը: