Եվս 23 պատգամավոր. Իրանում դարձյալ նոր կորոնավիրուսակիրներ կան խորհրդարանականների շարքում

Իրանի խորհրդարանի 23 պատգամավոր վարակվել է կորոնավիրուսով. գրում է ՌԻԱ «Նովոստի»-ն՝ վկայակոչելով  Իրանի խորհրդարանի խոսնակի օգնական Աբդոլռեզա Մեսրիի խոսքերը. հայտնում է Yerkir.am-ը:

Նա կոչ է արել խորհրդարանականներին սահմանափակել շփումները բնակչության հետ, բայց և  հայտարարել, որ խորհրդարանը շարունակելու է իր աշխատանքը:

Ըստ վերջին տվյալների՝ փետրվարի 19-ից Իրանում գրանցվել է կորոնավիրուսով վարակման 1501 դեպք, որից 66-ը՝ մահվան ելքով, 291 մարդ առողջացել է: Իրանի իշխանությունները կանխատեսել են վիրուսի հետագա տարածումը:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին: