Ֆրանսիացի խորհրդարանականների հետ քննարկվել են Հայաստանին առնչվող կարևոր հարցեր

Այսօր լրագրողների հետ զրույցում ՀՅԴ Բյուրոյի Հայ դատի եւ քաղաքական հարցերի գրասենյակի պատասխանատու Կիրո Մանոյանն ամփոփելով Ֆրանսիայից Հայաստան ժամանած խորհրդարանականների այցը, նշեց, որ Դաշակցություն- Ֆրանսիայի Սոցիալիստական կուսակցություն հարաբերությունները նոր չէ, որ ստեղծվել են, այլ արդեն բավականին ջերմ են:

Հիշեցնենք, որ 2014-ը հռչակվել է Ֆրանսիայի Սոցիալիստական կուսակցության հիմնադիր, անվանի հասարակական-քաղաքական գործիչ Ժան Ժորեսի տարի: Ժան Ժորեսը այն եզակի քաղաքական գործիչներից էր, որ 1915թ-ին բարձր ամբիոններից բարձրաձայնեց հայ ժողովրդի հանդեպ Օսմանյան Թուրքիայի կողմից իրականացրած ջարդերը` դատապարտելով ցեղասպանության երևույթը: Ֆրանսիայի խորհրդարանում իշխող մեծամասնություն կազմող Սոցիալիստական կուսակցության պատգամավորական պատվիրակությունը երկու օր շարունակ մասնակցեց Ժան Ժորեսի մահվան 100 ամյա տարելիցի ոգեկոչման միջոցառումներին:

Կիրո Մանոյանի խոսքով` ֆրանսիացի խորհրդարանականների այցը Հայաստան կնպաստի Հայաստան-Ֆրանսիա հարաբերությունների և Դաշնակցություն-Ֆրանսիայի Սոցիալիստական կուսակցություն հարաբերությունների սերտացմանը: Տարբեր հանդիպումների ընթացքում քննարկվել են տարբեր թեմաներ` Ցեղասպանության ճանաչումից մինչև Ցեղասպանության ժխտման քրեականացում, ԼՂ կարգավորմանն առնչվող հարցեր, զինադադարի խախտում և այլն: