Վրաստանում երկրորդ մարդն է կորոնավիրոսով վարակվել

Վրաստանում հաստատվել է նոր կորոնավիրուսով՝ COVID-19-ով, վարակման երկրորդ դեպքը. տեղեկացնում է վրացական Առաջին ալիքը՝  երկրի հիվանդությունների վերահսկման ազգային կենտրոնի ղեկավար Ամիրան Գամկրելիձեի հայտարարությանը հղումով. հայտնում է Yerkir.am-ը:

Նշվում է՝ կորոնավիրուս է հայտնաբերվել Իտալիայից վերադարձած Վրաստանի քաղաքացու մոտ:

Ըստ կենտորնի ղեկավարի՝ վիրուսակրի վիճակը գնահատվում է բավարար:

Yerkir.am-ն ավելի վաղ տեղեկացրել էր, որ չինական Ուհան քաղաքում բռնկված ու ողջ աշխարհում տարածում գտնող անհայտ տիպի կորոնավիրուսով վարակվածների թիվն օր օրի աճում է։ Կորոնավիրուսի բռնկման մասին չինական իշխանությունները ԱՀԿ-ին տեղյակ էին պահել  դեռևս դեկտեմբերին: