Լեոնիդ Յակուբովիչը փրկել է գործընկերոջ կյանքը

Հայտնի ռուս հեռուստահաղորդավար Լեոնիդ Յակուբովիչը փրկել է գործընկերոջ՝ Դմիտրի Դիբրովի կյանքը, երբ վերջինս մոսկովյան «Հոկտեմբեր» կինոթատրոնում իրեն վատ է զգացել Եգոր Կոնչալովսկու «Լուսնի վրա» ֆիլմի պրեմիերայի ժամանակ։ Այս մասին հայտնում է «Կոմսոմոլսկայա պրավդա»-ն՝ վկայակոչելով ականատեսների խոսքերը։

Երբ Դիբրովի ինքնազգացողությունը վատացել է, Յակուբովիչն արագ արձագանքել է. խնդրել է սրբիչներ բերել ու շտապօգնություն կանչել։ Բացի այդ՝ նա գործընկերոջը հիվանդանոց է ուղեկցել։

«Խնդրում եմ ձեզ։ Նրան «շտապօգնությունն» է փրկել, իսկ մնացած ամեն բան նշանակություն չունի»,- ասել է Յակուբովիչը։

«Интерфакс»-ի հետ զրույցում Դիբրովը հաստատել է, որ կորցրել է գիտակցությունն ու հավելել՝ այժմ իրեն լավ է զգում։ Նրա կինը՝ Պոլինան, ТАСС-ին արդեն փոխանցել է, որ նա արդեն գտնվում է տանը։

Ավելի վաղ հայտնի է դարձել, որ Դմիտրի Դիբրովին շտապ հոսպիտալացրել են։ Telegram-յան «112» ալիքի տեղեկությունենրով՝ նրա մոտ էպիլեպսիայի նոպա է գրանցվել։ Սակայն հեռուստահաղորդավարի ներկայացուցիչը լրագրողների հետ զրույցում այս ախտորոշման մասին տեղեկատվությունը չի հաստատել։