ՍՈՒ 30-ի հաջորդ խմբաքանակը շուտով Հայաստանում կլինի. Դավիթ Տոնոյան

ՍՈՒ 30-ի հաջորդ խմբաքանակը շուտով Հայաստանում կլինի՝ ըստ Yerkir.am-ի, Եռաբլուր զինվորական պանթեոնում լրագրողների հետ զրույցում ասաց ՀՀ պաշտպանության  նախարար Դավիթ Տոնոյանը։

«Սպառազինությունն ու այն կարողությունները, որոնք անհրաժեշտ են զինված ուժերի առջև դրված խնդիրները բարձր մակարդակով կատարելու համար, ավելացված են: Ես ռազմական գաղտնիք չեմ բացի, բայց ասեմ, որ այդ ավելացումները տասնյակ տոկոսներ են: Այսինքն՝ մեր կարողությունները բավական մեծացել են»,- ասաց Դավիթ Տոնոյանը:

Նա կարևորեց ԶՈՒ-ում սննդի ապահովման նոր ձևաչափի ներդրումը՝ փաստելով, որ զորամասերի  մոտ 40 տոկոսն անցել է նոր ձևաչափի: Արվում է ամեն ինչ, որ այս տարի զինվորներին տրամադրվող սնունդը 100 տոկոսով ապահովվի նոր ձևաչափով:

«Անում ենք ամեն ինչ, որ ավելացվի: Փորձնական ծրագիրը հաջողված է, և կարող եմ ասել՝ մեզ համար անսպասելի հաջողված»,-նշեց նախարար Տոնոյանը: