ՏԵՍԱՆՅՈՒԹ. ՌԴ-ին պետք է նախագահական ամուր համակարգ. Պուտին

ՌԴ նախագահ Վլադիմիր Պուտինն աննպատակահարմար է համարել Ռուսաստանում խորհրդարանական կառավարման ձևի անցումը՝ միևնույն ժամանակ երկրի համար անհրաժեշտ համարելով կառավարման նախագահական ամուր համակարգը. ըստ Yerkir.am-ի՝ հայտնում է ՌԻԱ «Նովոստի»-ն՝ Լիպեցկում քաղաքացիների հետ հանդիպման ժամանակ դաշնության նախագահի խոսքերին հղումով:

«Տեսականորեն հնարավոր է խորհրդարանական կառավարման համակարգին անցումը, բայց նպատակահարմա՞ր է արդյոք, թե՞ ոչ: Ես կարծում եմ, որ ոչ: Որպեսզի դա նորմալ գործի, ապա պետք է, ինչպես Եվրոպայում, հարյուրավոր տարիների ընթացքում կայացած լինի, կայացած լինի կուսակցական համակարգը: Մինչդեռ մեր երկրում կուսակցությունները կապված են անձի հետ: Օրինակ՝ լիբերալ-դեմոկրատները կապված են Ժիրինովսկու հետ: Կա Ժիրինովսկի, կա կուսակցություն, չկա, չկա: Բացի դրանից, Եվրոպայում էլ որոշ դեպքերում խորհրդարանական համակարգը խափանվում է: Կան երկրներ, որտեղ, ասենք, կես տարի կառավարություն չի ձևավորվում: Պատկերացնո՞ւմ եք Ռուսաստանում, որ կես տարի կառավարություն չլիներ, դա աղետ կլիներ: Այստեղ անհրաժեշտ է նախագահական ամուր համակարգ»,- կարծիք է հայտնել նա:

Առավել մանրամասն՝ տեսանյութում.