ԵԽԽՎ-ն կքննի Ադրբեջանում քաղբանտարկյալների հարցը

Եվրոպայի խորհրդի խորհրդարանական վեհաժողովի ձմեռային նստաշրջանի օրակարգում է գտնվում «Ադրբեջանում քաղբանտարկյալների վերաբերյալ գործը»: Նախագիծը կազմվել է իսլանդացի պատգամավոր Տորհիլդուր Սուննա Էվարսդոտտիրի կողմից և կքննվի հունվարի 27-ին:

Զեկույցը պարունակում է լուրջ անհանգստություններ Ադրբեջանում քաղբանտարկյալների խնդիրների վերաբերյալ, որոնք ունեն «համակարգային բնույթ», - այս մասին, ըստ Yerkir.am-ի, հայտնում է «Թուրան» գործակալությունը:

Դեռ  2001 թ., երբ Ադրբեջանը մտավ Եվրոպայի խորհուրդ, ԵԽԽՎ-ն կոչ արեց Բաքվին «ազատել կամ վերանայել դատական կարգով քաղբանտարկյալների հարցը»: Սակայն այդ հարցը մինչ օրս այդ երկրում արդիական է մնում: Վերջին տարիներին ՄԻԵԴ-ը բազմիցս է վճիռներ կայացրել Ադրբեջանում ընդդիմադիր գործիչների կամայականորեն ձերբակալելու վերաբերյալ:

Բանաձևում առաջարկվում է, «մեկընդմիշտ լուծել քաղբանտարկյալների հարցը»: Նշենքն նաև, որ Ադրբեջանում քաղբանտարկյալ է մոտ 120 իրավապաշտպան: