Ուրուգվայում մոտ մեկ միլիարդ դոլար արժողությամբ կոկաինի ռեկորդային խմբաքանակ են առգրավել

Ուրուգվայի իշխանությունները հայտնել են, որ ուրբաթ օրը Մոնտեվիդեոյի նավահանգստում մոտ մեկ միլիարդ դոլար արժողությամբ 4,4 տոննա կոկաին պարունակող կոնտեյներներ, իսկ ավելի ուշ՝ Սորիանո բաժնում ևս մեկ տոննա կոկաին առգրավելու մասին: Բեռնափոխադրման վայրում կալանավորվել են բեռնատար ընկերության սեփականատերերը, հայտնում է «ՌԻԱ Նովոստի» գործակալությունը: 

«Խոսքը գնում է երկրի պատմության մեջ ամենախոշոր բռնագրավման մասին»,-հայտարարել է Ուրուգվայի մաքսային ծառայության ղեկավարը:

Իշխանությունների տեղեկություններով`ընդհանուր 4417,7 կիլոգրամ կոկաինով լցված փաթեթները ուղարկվել են աֆրիկյան Լոմե նավահանգիստ: Մամուլի ասուլիսի ընթացքում տեղի մաքսային ծառայության ղեկավարը նշել է, որ սոյայի արտահանումը կազմակերպել է մի նոր ընկերություն, որի սեփականատերերը հայտնի են:

Ըստ իրավապահ մարմիններում հրապարակման աղբյուրների` հետագայում Սորիանոյի հարավ-արևմտյան ափամերձ բաժանմունքում, որտեղից բեռնարկղերը հասել են Մոնտեվիդեոյի նավահանգիստ, հատուկ ծառայությունների համատեղ գործողության արդյունքում ձերբակալվել են բեռնման կայանի տերերը՝ հայր և որդի, առգրավվել է ևս մեկ տոննա կոկաին: