Ստամբուլում բացվել է Բաքվի հայերի ջարդերի կազմակերպիչ Ջիվանշիրի հուշաքարը

Դեկտեմբերի 18-ին՝ Ստամբուլում բացվել է 1918 թ. Ադրբեջանի Ներքին գործերի նախարար Բեհբութ խան Ջիվանշիրի հուշաքարը: Ջիվանշիրն է  կազմակերպել 1918 թ. սեպտեմբերին Բաքվում և ադրբեջանական այլ բնակավայրերում հայերի կոտորածը, որին զոհ գնաց 25-30.000 հայ:

Օսմանյան կայսրությունում Հայոց ցեղասպանությունը և հայաբնակ շրջաններում հայերի կոտորածը կազմակերպած գազաններին ոչնչացնելու նպատակով Հայ Յեղափոխական Դաշնակցությունը կազմակերպում է «Նեմեսիս» վրիժառուական գործողությունը, որի շրջանակում որոշում կայացվեց նաև վերացնել Ջիվանշիրին:

1921 թ. հուլիսի 18-ին  ՀՅԴ անդամ, վրիժառու Միսաք Թոռլաքյանը՝ Երվանդ Ֆունդուկյանի և Հարություն Հարությունյանցի աջակցությամբ, Ստամբուլի «Պերա Փալաս» հյուրանոցի դիմաց գնդակահարում է Ջիվանշիրին:

Ստամբուլում Ադրբեջանի հյուպատոս Մեսիմ Հաջիևը նշում է, որ հուշաքարը ըեղադրվել է Թուրքիայի ԱԳՆ, Ստամբուլի նահանգապետարանի և Բեյօղլուի թաղային իշխանությունները: