Զգեստի վերաբերյալ բացասական կարծիք երբեք չեմ արտահայտել, մինչդեռ այն անհարմար էր. «Միսս Տիեզերք Արմենիա 2019»

«Միսս տիեզերք 2019» միջազգային մրցույթի հայ մասնակից Դայանա Դավթյանն, ըստ Yerkir.am-ի, իր ֆեյսբուքյան էջում գրառում է կատարել, որում պարզաբանել է տարազի հետ կապված իրավիճակը, որով բեմ է բարձրացել։ Վերջին օրերին նրա հագուստը շատ են քննադատել, և Դայանան որոշել է պատասխանել։

Նա, մասնավորապես, նշել է. 

«Զգեստն անհարմար էր. ներսից միացված էր «սկրեպներով» եւ կապվում էր թելերով, որոնք արձակելու համար օգնողները ստիպված եղան կտրել դրանք, այլապես զգեստը հանել հնարավոր չէր,- գրում է նա. - Շատերդ երեւի տեղյակ եք «Միսս Տիեզերք 2019» մրցույթում դիզայներ Վերա Սմբատի հեղինակությամբ կարած եւ իմ կողմից ներկայացրած հայկական տարազի վերաբերյալ մասնագետների և հանրության խիստ ԲԱՑԱՍԱԿԱՆ արձագանքի մասին: Ցանկանում եմ պարզաբանել. զգեստի վերաբերյալ բացասական կարծիք ինքս երբեք չեմ արտահայտել, մինչդեռ զգեստն անհարմար էր։ Գլխազարդը փոքր էր եւ չէր ֆիքսվում, գոտին լայն էր: Այնուամենայնիվ, տարազը ներկայացրեցի մաքսիմալ լավ կերպով»:

Հավելենք, որ գեղեցկուհուն զայրացրել է փաստը, որ հագուստի դիզայներն ու «Միսս տիեզերք Արմենիա»-ի ազգային տնօրեն Գոհար Հարությունյանն իրեն մեղադրել են ձախողման մեջ, չնայած նրան, որ նախքան մեկնելը բողոքել է, որ գոտին կախ էր ընկած։ Դայանայի պնդմամբ՝ դիզայներն ասել է, որ այն կարող է գոտկատեղից ներքև ամրանալ։ Իսկ գլխազարդը փոխել են նորով. այն ինչպես հարկն է չէր ֆիքսվում։

Ստեղծված իրավիճակին արձագանքել է մրցույթի կազմակերպիչ Գոհար Հարությունյանը, որը նշել է, որ միջազգային ոչ մի հետևորդ հագուստը չի ծաղրել, միայն Դայանայի ձեռքի շարժումը,որով տպավորություն է ստեղծվում, թե աղջիկը ձեռքով STOP շարժումն է անում, իրականում սխալ նկարի հետևանք էր։ Նա նշել է, որ մասնակցությունը չի սահմանափակվել միայն տարազով. որոշիչ են եղել հարցազրույցի փուլը, երեկոյան հագուստն, ինչպես նաև լողազգեստը:

«Մեծ քանակությամբ էսքիզներից ընտրել ենք Դայանայի հետ այս զգեստը, ոտքի բացվածքը նույնպես եղել է Դայանայի ցանկությամբ: Անգամ եթե ինչ- որ մի բան չի ստացվել, Վերան մեծ նվիրվածությամբ է ստեղծել այն: Նորից եմ ասում, այստեղ կարևորը Դայանայի տրամադրությունն էր, որից բողոքելու իրավունքը ես ունեմ, քանի որ իր մասնակցությունը իմ մի տարվա աշխատանքն է»,- նշել է Գոհարը։

Նշենք, որ այս տարի Հայաստանն առաջին անգամ էր մասնակցում «Միսս տիեզերք» գեղեցկության մրցույթին: Հայաստանի ներկայացուցիչ Դայանա Դավթյանը չէր հայտնվել թոփ 20-յակում: