Ճապոնիայում 3.2 մլն դոլար է հանգանակվել այրված Սյուրի դղյակի վերականգնման համար

Ճապոնիայի բնակիչները մեկ շաբաթից պակաս ժամանակամիջոցում 350 միլիոն իեն (մոտ 3.2 միլիոն ԱՄՆ դոլար) են հանգանակել Օկինավա հարավային կղզու Նահա քաղաքում Սյուրի դղյակի վերականգնման համար. ըստ Yerkir.am-ի՝ հայտնում է ՏԱՍՍ-ը:

Ներկա պահի դրությամբ միջոցների հասարակական հանգանակությանը մասնակցել է ավելի քան 25 հազար մարդ: Վերականգնման նպատակով միջոցների հանգանակության ակցիան սկսվել է նոյեմբերի 1-ին՝ արդեն հաջորդ օրն այն բանից հետո, երբ ավերիչ հրդեհ Էր բռնկել Սյուրիում: ՅՈՒՆԵՍԿՕ-ի համաշխարհային ժառանգության ցուցակում գրանցված կառույցը գործնականում ամբողջովին կրակի է մատնվել:

Ճապոնիայի կառավարությունը՝ վարչապետ Սինձո Աբեի գլխավորությամբ, արդեն խոստացել է անհրաժեշտ ամեն ինչ անել այդ պատմական հուշարձանի վերականգնման համար: Դղյակը կառուցվել է XIV – XV դարերում:

Հիշեցում

Հոկտեմբերի 31-ի գիշերը Ճապոնիայի հարավում բռնկված խոշոր հրդեհի հետևանքով գրեթե ամբողջովին այրվել էր Սյուրի դղյակը, որը ՅՈՒՆԵՍԿՕ-ի համաշխարհային ժառանգության օբյեկտ Է:

Հրդեհը Նահա քաղաքում (Օկինավայի ամենահարավային պրեֆեկտուրա) գտնվող դղյակում բռնկել Էր գիշերը: Հրդեհի մարմանը մասնակցել էր 20-ից ավելի հրշեջ խումբ: Տեղի ոստիկանությունը հետաքննություն է անցկացնում՝ հրդեհի բռնկման պատճառները պարզելու համար: