Ավստրալիայում և Նոր Զելանդիայում հեռուստամարաթոնի ընթացքում Արցախի համար հանգանակվել է ավելի քան 1.2 միլիոն դոլար

Ավստրալիայում Արցախի Հանրապետության գրասենյակի ֆեյսբուքյան պաշտոնական էջից տեղեկանում ենք, որ Ավստրալիայում և Նոր Զելանդիայում անցկացված հեռուստամարաթոնի ընթացքում Արցախի կարիքների համար հանգանակվել է 1.200.860 դոլար։ 

Գրառման մեջ, մասնավորապես, ասվում է. 

«Հայաստան-մեդիա - հայկական լուրեր Ավստրալիայից կազմակերպության կողմից անցկացված #Artsakhstrong (Արցախն ուժեղ է) հեռուստամարաթոնի արդյունքում Արցախի համար ընդհանուր հաշվարկներով հանգանակվել է ավելի քան 1.2 միլիոն դոլար։ Միջոցները գոյացել են Ավստրալիայից և Նոր Զելանդիայից կատարված փոխանցումների շնորհիվ։ Շնորհակալություն մինչ այժմ ցուցաբերած աջակցության համար, մենք դեռ շատ աշխատանք ունենք անելու։

#RacognizeArtsakh @mfankr @MFAofArmenia»։