Մենք խաղաղություն ենք ցանկանում. Զոհրապ Մնացականյան

Այսօր ՀՀ ԱԳ նախարար Զոհրապ Մնացականյանը հարցարույց է տվել BBC լրատվական ծառայությանը:

Պատասխանելով լրագրողի՝ Լեռնային Ղարաբաղի վերաբերյալ հարցին՝ Մնացականյանը պատասխանել է.

«Տեսեք, հեղափոխության շնորհիվ մեր ներքին նպատակներին հասնելու ճանապարհին ոչ ոք կասկածի չի ենթարկել մեր արտաքին քաղաքականության առաջնահերթությունները: Մեր արտաքին քաղաքականության առաջնահերթությունները եղել են բավականին հետևողական. այն է՝ ապահովել Հայաստանի ազգային անվտանգության ճարտարապետության կայունությունը»՞

Զոհրապ Մնացականյանի կարծիքով՝ Լեռնային Ղարաբաղի հիմնախնդիրն անվտանգության մեծ մարտահրավեր է Հայաստանի և ժողովրդի համար:

«Մեզ համար դա, նախևառաջ, մեր հայրենակիցների անվտանգության, մարդու անվտանգության, 150000 մեր հայրենակիցների անվտանգության խնդիրն է: Մեր կառավարությունը, առանց հապաղելու, անմիջապես ներգրավվել է կարգավորման գործընթացի մեջ, և ներգրավվել ենք կառուցողական ձևով: Մենք լիովին քաջատեղյակ ենք խաղաղության օգուտների մասին, մենք խաղաղություն ենք ցանկանում, մենք ցանկանում ենք հասնել դրան, սակայն այնպես, որ պահպանվի կողմերի հանձնառությունների ողջամիտ հավասարարժեքությունը և մենք լուծենք Լեռնային Ղարաբաղի ժողովրդի անվտանգության և կարգավիճակի մեր բացարձակ առաջնահերթությունները»,-նշել է ԱԳ  նախարարը:

Մանրամասն՝ սկզբնաղբյուր կայքում: