Կլինի՞ ազատության մեջ Նաիրի Հունանյանը, թե՞ ոչ՝ կպարզվի 80֊օրյա ժամկետում

Հոկտեմբերի 27-ի ահաբեկչության կազմակերպիչ Նաիրի Հունանյանը դիմում է ներկայացրել քրեակատարողական հիմնարկի ղեկավարությանը՝ իրեն պայմանական վաղաժամկետ ազատ արձակելու խնդրանքով:

ՀՀ ԱՆ քրեակատարողական ծառայության հանրային կապերի բաժնից Yerkir.am-ին տեղեկացրին, որ դիմումը ներկայացվել է սեպտեմբերի 15-ին, և պատասխանը կտրվի 80-օրյա ժամկետում:

 1999 թ. հոկտեմբերի 27-ին ՀՀ Ազգային ժողովի վրա կատարված հարձակման արդյունքում զոհվել են ՀՀ ԱԺ նախագահ Կարեն Դեմիրճյանը, վարչապետ Վազգեն Սարգսյանը և 6 այլ պետական գործիչներ ու ԱԺ պատգամավորներ, 8 մարդ վիրավորվել է, իսկ 91-ը՝ պատանդ վերցվել։

Ահաբեկչությունն իրականացրած ահաբեկիչների դատավճիռը հրապարակվել էր 2003 թ. դեկտեմբերի 2-ին: Նաիրի Հունանյանը և ևս 5 հոգի դատապարտվել էին ցմահ ազատազրկման: