Սիրիան պատրաստ է դիմակայել թուրքական ագրեսիային․ Սիրիայի ԱԳՆ

Թուրքիայի նախագահի հայտարարությունները՝ իբրև թե սիրիացի ժողովրդին և նրա իրավունքները պաշտպանելու ցանկության մասին, ըստ Սիրիայի արտաքին գործերի նախարարության պաշտոնական աղբյուրի, կարող են բխել միայն իրականությունից կտրված մարդուց, այս մասին հայտնում է սիրիական SANA գործակալությունը։

Աղբյուրը հավելել է, որ նման հայտարարություններ անելով՝ այսօր հանցագործ Էրդողանը գրոհում է Սիրիայի հյուսիսում բնակվող անվնաս բնակչության դեմ՝ իբրև թե ահաբեկչության դեմ պայքարի պատրվակով:

Աղբյուրը եզրափակել է, որ Սիրիայի Արաբական Հանրապետությունը կդիմակայի Թուրքիայի ագրեսիային բոլոր հասանելի միջոցներով և կշարունակի պայքարն ահաբեկչության դեմ: Սիրիացիների պաշտպանությունը միայն սիրիական բանակի և սիրիական պետության խնդիրն է։