Մենք ավելի, քան երբևէ, պատրաստ ենք դիմակայել թշնամուն. Իրանի ռազմաօդային ուժերի հրամանատար

Իրանի ՌՕՈՒ-ն այժմ ավելի, քան երբևէ, մարտունակ և պատրաստված է՝ դիմակայելու համար թշնամուն և սպասում է գերագույն հրամանատարի հրամանին.  ասել է Իրանի Իսլամական Հանրապետության բանակի ռազմաօդային ուժերի հրամանատարը: 

Երկուշաբթի բրիգադային գեներալ Համիդ Վահեդին, պատասխանելով հյուսիսարևմտյան սահմաններից երկրի համար սպառնալիքի հավանականության մասին հարցին, նշել է. «Իրանի Իսլամական Հանրապետության զինված ուժերի ցանկացած գործողություն հիմնված է մեր պաշտպանական դոկտրինի վրա: Զորավարժությունները կամ գործողությունները կատարվում են բացառապես Իսլամական Հանրապետության ինքնիշխանության և տարածքային ամբողջականության պաշտպանության նպատակով»:

Նա նշել է, որ Իրանի զինվորները «100 տոկոսով պատրաստ են պաշտպանել իրենց հայրենիքը, և նրանց դոկտրինը միայն երկրի տարածքային ամբողջականության պաշտպանությունն է»: