Ջոնսոնը Եվրամիությանն առաջարկություններ կներկայացնի Brexit-ի վերաբերյալ. Times

Մեծ Բրիտանիայի վարչապետ Բորիս Ջոնսոնը մտադիր Է առաջիկայում Եվրամիությանը ներկայացնել իր կառավարության պաշտոնական առաջարկությունները, որոնք վերաբերում են ԵՄ-ի կազմից թագավորության դուրս գալուն:  Այս մասին հայտնել Է Times թերթը, որի տեղեկությունների համաձայն՝ Ջոնսոնը, ի թիվս մի քանի այլ բաների, Եվրամիությանը կդիմի Brexit-ի հետագա հետաձգում թույլ չտալու խնդրանքով:

Հոկտեմբերի 31-ին Եվրամիության կազմից երկրի դուրս գալը, Ջոնսոնի խոստման համաձայն, կլինի այն պայմաններից մեկը, որոնք վարչապետը կներկայացնի եվրոպական կառավարությունների ղեկավարներին:

«Ես զգուշավոր լավատեսություն ունեմ»,- սեպտեմբերի 30-ին Մանչեսթերում ելույթի ժամանակ հայտարարել Է Բրիտանիայի վարչապետը, որը, The Daily Telegraph-ի տեղեկություններով, արդեն հոկտեմբերի 1-ին պատրաստվում Է հեռախոսով իր առաջարկությունները ներկայացնել Եվրոպայի ղեկավարներին:

Մինչդեռ նախօրեին ընդդիմադիր կուսակցությունների առաջնորդները մտադիր են մինչև շաբաթվա վերջը Մեծ Բրիտանիայի վարչապետ Բորիս Ջոնսոնին ստիպել հետաձգել Եվրամիությունից երկրի դուրս գալու ամսաթիվը: