«Շերեմետևո»-ում վնասվել է Մոսկվա-Երևան չվերթն իրականացնող օդանավը (թարմացված)

Մոսկվայի «Շերեմետևո» օդանավակայանում օդանավասանդուղքն արտաքինից վնասել է Nordwind ավիաընկերության Boeing 737-800 օդանավը. հայտնում է РИА Новости-ն:

Ուղևորներին ներկայումս տեղափոխում են այլ` պահուստային օդանավ: Խոսքը Մոսկվա–Երևան չվերթի մասին է: Ուշացումը կկազմի մոտ 30 րոպե:

***

Ավիաընկերության մամուլի ծառայությունից РИА Новости-ին հայտնել են, որ պահուստային օդանավն արդեն մեկնել է Երևան: Այն տեղում կլինի Մոսկվայի ժամանակով 14.10 (երևանյան ժամանակով`15.10-ին):

Վնասված օդանավը կուղարկվի վերանորոգման:

***

 Օդանավակայանի մամուլի ծառայությունից РИА Новости-ին հայտնել են, որ օդանավի ֆյուզելյաժի արտաքին թիթեղները վնասվել են օդանավասանդուղքի մոտեցման ժամանակ, սակայն դա չի ազդել ուղևորների սպասարկման որակի և օպերատիվության վրա: