ԱՄՆ-ում սկսվել են ապօրինի ներգաղթյալների զանգվածային արտաքսման միջոցառումները

ԱՄՆ ներգաղթի և մաքսային ծառայությունը վերսկսել է հազարավոր ապօրինի ներգաղթյալների ձերբակալման ուղղությամբ դեռևս ավելի վաղ հայտարարված միջոցառումները: Երկրի իշխանությունները նրանց ավելի վաղ հորդորել էին շուտափույթ լքել երկրի տարածքը, հայտնում է Fox News-ը:

Լրատվամիջոցի տեղեկացմամբ` անցյալ ոչ աշխատանքային օրերին ապօրինի ներգաղթյալների ձերբակալումը սկսվել է ոչ միայն ԱՄՆ խոշորագույն քաղաքներում, ինչպիսին է, օրինակ, Նյու Յորքը, այլև մի քանի այլ մեծ ու փոքր քաղաքներում:

Նշվում է, որ այս գործողություններն ուղղված են հիմնականում այն մարդկանց դեմ, որոնք հնարավորություն են ունեցել ներգաղթյալների գործերով դատավորին ապաստան տրամադրելու վերաբերյալ դիմում ներկայացնել, բայց որոշում են կայացրել չանել դա: ԱՄՆ ներգաղթի և մաքսային ծառայությունն վերոհիշյալ անձանց հնարավորություն էր ընձեռել դեռ փետրվարին լքելու երկիրը, բայց ապօրինի ներգաղթյալների միայն 3 տոկոսն է կատարել այդ պահանջը:

Ավելի վաղ տեղեկացրել էինք, որ հունիսին ԱՄՆ նախագահ Դոնալդ Թրամփը հայտարարել էր ԱՄՆ-ից միլիոնավոր անօրինական ներգաղթյալների արտաքսման գործողության մեկնարկի մասին։