Պուտինը կարող է 2024-ից հետո զբաղեցնել վարչապետի պաշտոնը. Bloomberg-ը բացահայտում է Կրեմլի սցենարը

 ՌԴ նախագահ Վլադիմիր Պուտինը կարող է պահպանել իշխանությունը 2024 թվականի ընտրություններից հետո` որպես  ընդլայնված սահմանադրական լիազորություններով վարչապետ: Այդ մասին , ըստ Коммерсантъ-ի, գրում է Bloomberg-ը` իր աղբյուրներին հղումով:

Նշվում է, որ ՌԴ նախագահի օգնականները և խորհրդականները մտածում են 2021-ին Ընտրական օրենսգրքի փոփոխության մասին, որպեսզի վարչապետը կարողանա պահպանել վերահսկողությունը նորացված Պետդումայի նկատմամբ:

Կրեմլը, ըստ աղբյուրների, դիտարկում է սցենար, որի դեպքում վարչապետի սահմանադրական լիազորությունները կընդլայնվեն` ի վնաս նախագահի լիազորությունների: Դրա համար կպահանջվի Պետդումայի հավանությունը, այսինքն` «Եդինայա Ռոսիա»-ի մեծամասնության ձայնը:

Սակայն կան որոշակի բարդությունններ. կուսակցության վարկանիշը նվազել է, և այն կարող է չստանալ ընտրողների անհրաժեշտ աջակցությունը: