Ուկրաինական կողմը դեռ կարող փոխել իր` նավաստիների հարցով որոշումը. Կարասին

Ռուսաստանն արել է իր առաջարկը Ուկրաինային նավաստիների հետ կապված իրավիճակը կարգավորելու հարցով, և, չնայած բացասական պատասխանին, ուկրաինական իշխանությունները կարող են փոխել իրենց որոշումը: Այդ մասին РИА Новости-ին ասել է ՌԴ ԱԳՆ ղեկավարի տեղակալ Գրիգորի Կարասինը:

ՌԴ ԱԳՆ-ն հունիսի 25-ին  Ծովային իրավունքի հարցերով միջազգային տրիբունալ և Մոսկվայում Ուկրաինայի դեսպանատուն նոտաներ է ուղարկել, որոնցում խոսվում է ՌԴ քրեական-ընթացակարգային օրենսդրության շրջանակում առկա հնարավորությունների մասին, որոնց կարող են դիմել Ուկրաինայի իշխանությունները նավաստիներին ազատելու համար, սակայն Ուկրաինայի ԱԳՆ ղեկավարը մերժել է ռուսական կողմին` պահանջելով անհապաղ ազատ արձակել նավաստիներին:

Հիշեցնենք, որ անցյալ տարվա նոյեմբերին ուկրաինական նավերը խախտել էին ՌԴ սահմանը Ազովի ծովում և ձերբակալվել:

Օրերս Ուկրաինայի նոր նախագահ Վլադիմիր Զելենսկին նրանց ազատելու կոչով դիմել է ՌԴ նախագահին: