կարևոր
2902 դիտում, 3 շաբաթ առաջ - 2024-05-27 22:25
Աշխարհ

Արցախում ՌԴ գլխավոր հյուպատոսության բացման նախապատրաստական աշխատանքները շուտով կսկսվեն․ Կարասին

Արցախում ՌԴ գլխավոր հյուպատոսության բացման նախապատրաստական աշխատանքները շուտով կսկսվեն․ Կարասին

Լեռնային Ղարաբաղի Ստեփանակերտ քաղաքում Ռուսաստանի գլխավոր հյուպատոսության բացման նախապատրաստական աշխատանքները կսկսվեն մոտ ժամանակներս: Այս մասին հայտարարել է ՌԴ Դաշնության խորհրդի միջազգային գործերի կոմիտեի ղեկավար Գրիգորի Կարասինը, փոխանցում է ՏԱՍՍ-ը: Ադրբեջանի խորհրդարանի արտաքին հարաբերությունների և միջխորհրդարանական կապերի հանձնաժողովի նախագահ Սամեդ Սեիդովի գլխավորած պատվիրակության հետ հանդիպման ժամանակ նա նշել է, որ Մոսկվան ակնկալում է Բաքվի աջակցությունն այս հարցում:

Սենատորի խոսքով՝ ավելի լավ կլիներ տարածաշրջանում ռուսական դիվանագիտական ներկայացուցչությունը բացել ընթացիկ տարում։ Նա նշել է, որ դա թույլ կտար երկու երկրներին վերացնել «փոխադարձ հյուպատոսական ներկայության դիսպարիտետը»։