ՀԱՊԿ գլխավոր քարտուղարի հարցը լուծվում է. Կարասին

ՀԱՊԿ-ը  պետք է դինամիկ զարգանա և  ապահովի անվտանգությունը պատասխանատվության աշխարհագրական ոլորտում, իսկ կազմակերպության գլխավոր քարտուղարի հարցը լուծվում է: Այդ մասին РИА Новости-ին երեկ  ասել է ՌԴ արտաքին գործերի փոխնախարար Գրիգորի Կարասինը:

«Դա հիպոթետիկ հարց է, ոչ հեշտ: Ամենագլխավորն այն է, որ ՀԱՊԿ-ը շարունակի արդյունավետ գործել: Այժմ այնտեղ կա կազմակերպության գլխավոր քարտուղարի պաշտոնակատար: Հույս ունենանք, որ այդ կառույցը կշարունակի դինամիկորեն զարգանալ և ապահովել անվտանգությունը պատասխանատվության աշխարհագրական ոլորտում: Ինչ վերաբերում է նրան, թե ինչպես է լուծվելու ՀԱՊԿ գլխավոր քարտուղարի հարցը, դա դեռևս կա, բայց դրա վրա աշխատում են»,- ասել է Կարասինը՝ պատասխանելով հարցին, թե ՀԱՊԿ գլխավոր քարտուղար կնշանակվի՞ մինչև 2020 թվականը՝ կապված Հայաստանի դիրքորոշման հետ, և դո՞ւր  է գալիս, արդյոք, նման վիճակը Մոսկվային: