Թրամփի հետ բանակցությունները օգտակար էին. Պուտին

ՌԴ նախագահ Վլադիմիր Պուտինը  ճապոնական Օսակայում G20-ի գագաթնաժողովի շրջանակում մամուլի ասուլիս է տվել, որի ժամանակ ասել է, որ ԱՄՆ նախագահ Դոնալդ Թրամփի հետ քննարկել է իրավիճակն աշխարհի տարբեր տարածաշրջաններում. հայտնում է РИА Новости-ն:

«Իհարկե, խոսել ենք աշխարհի տարբեր տարածաշրջաններում իրավիճակի մասին: Ընդհանուր առմամբ, դրանք օգտակար բանակցություններ էին»,- ասել է ՌԴ նախագահը:

Պուտինը նաև նշել է, որ Մոսկվան երկխոսության մեջ է  ԱՄՆ-ի հետ Սիրիայի հարցով, և երկրները համակարգված գործում են ահաբեկչության դեմ պայքարում:

Հիշեցնենք, որ Թրամփն, իր հերթին, ասել է, որ  հանդիպումը «հիանալի» է անցել: