Ադրբեջանցիները զայրացած են Ստամբուլի նոր քաղաքապետի` հայերի մասին հայտարարությունից

Ադրբեջանում բավական մեծ արձագանք է գտել Ստամբուլի նորընտիր քաղաքապետ Էքրեմ Իմամօղլուի այն հայտարարությունը, որում ընդդիմադիր, քեմալական Հանրապետական-ժողովրդական կուսակցության անդամ Իմամօղլուն շնորհակալություն էր հայտնում ընտրություններում իրեն աջակցելու համար:

Ստամբուլի քաղաքապետ Իմամօղլուի խորհրդական Մուրաթ Օնգունն անդրադարձել է ադրբեջանցիների մոտ դժգոհություն առաջացրած հայտարարությանը:

«Քաղաքագլխի խոսքերը վերաբերում էin Ստամբուլում ապրող բոլոր համայնքներին: Ստամբուլում ապրում են մեծ թվով քրդեր, հայեր, ասորիներ, հրեաներ: Իմամօղլուն նրանց էր դիմում: Արդյո՞ք հավանական է, որ Իմամօղլուն հիշել է հայերին, իսկ ադրբեջանցիներին` ոչ: Իհարկե, սխալ կլիներ առանձնացնել թուրք մեսխեթցիներին, ադրբեջանցի թուրքերին: Մեր մտքով էլ չի անցնում նման բաժանումներ կատարել: Որովհետև մենք մի ամբողջություն ենք: Առանց այդ էլ, բոլորն էլ գիտեն մեր սերն ու հարգանքը ադրբեջանցիների նկատմամբ»,– Օնգունի խոսքերն է մեջբերում ադրբեջանական minval.az կայքը: