Կարո Փայլանը քննադատել է Ստամբուլի քաղաքապետի թեկնածուին

Քրդամետ Ժողովուրդների դեմոկրատական կուսակցության` Դիրաբեքիրից պատգամավոր Կարո Փայլանը քննադատել է մարտի 31-ի ՏԻՄ ընտրությունների արդյունքում Ստամբուլի քաղաքապետ (մայիսի 6-ին չեղյալ են հատարարվել) ընտրված Էքրեմ Իմամօղլուի հայտարարությանը: Գլխավոր ընդդիմադիր Հանրապետական-ժողովրդական կուսակցության թեկնածու Էքրեմ Իմամօղլուն հայտարարել էր, որ ինքը կապ ունի 20-րդ դարի սկզբին Տրապիզոնի շրջանում հայկական և հունական կոտորածների գլխավոր կազմակերպիչներից մեկի` Թոփալ Օսման աղայի հետ:

«Էքրեմ Իմամօղլուն էլ է ասել, որ «կապված է Թոփալ Օսմանի հետ»: Եթե Իմամօղլուն գիտի Թոփալ Օսմանի կատարած անմարդկային հանցանքները, ուրեմն մեր գործը բարդ է: Եթե առանց իմանալու է կապված, կասեմ նրան` թող կարդա այս հավելյալ հոդվածը: Դժվար է: Մեր գործը շատ դժվար է»,- գրել է իր թվիթերյան էջում Փայլանը և գրառմանն ավելացրել 2016 թ. լույս տեսած հոդված, որում ներկայացվում են Օսմանի կատարած վայրագությունները:

Նշենք, որ երեկ Փայլանը նաև քննադատել էր իշխող «Արդարություն և զարգացու»մ կուսակցության փոխնախագահ Նուրեթթին Ջանիքլիին, որը գովեստի խոսքեր էր ասել թուրք մարդասպանի հասցեին:

Հիշեցնենք, որ Թոփալը 1915 թ. Հայոց ցեղասպանության գլխավոր դահիճներից էր: 1919 թ. նրան ձերբակալելու որոշում է կայացվում, սակայն Աթաթուրքը նրան ուղարկում է պոնտոսցի հույների դեմ պայքարելու, այնուհետև` ալևի քրդերի: Աթաթուրքի կամակատարը լինելով հանդերձ` նա մահափորձ է կազմակերպվում Աթաթուրքի դեմ, սակայն բռնվում է և մեջլիսի առաջ ոտքերից կախվում: