Ուկրաինայի պատվիրակությունը պաշտոնապես դադարեցրել է ԵԽԽՎ-ում իր աշխատանքը

ԵԽԽՎ-ում Ուկրաինայի պաշտոնական պատվիրակությունը պաշտոնապես հայտարարել է վեհաժողովում իր աշխատանքը դադարեցնելու մասին: Այս մասին հայտնել է պատվիրակության ղեկավար Վլադիմիր Արևը իր ֆեյսբուքյան էջում. հայտնում է Корреспондент-ը:

Դա արվում է ի պատասխան ՌԴ պատվիրակության վերադարձի:

Պատվիրակությունը դիմում է Գերագույն ռադային` հետագայում ԵԽԽՎ-ում իր աշխատանքների դադարեցման հարցը քննարկելու համար:

Ավելի վաղ Yerkir.am-ը տեղեկացրել է, որ ԵԽԽՎ-ն երեկ կայացած նիստում կողմ քվեարկեց կանոնակարգային կոմիտեի ղեկավար Պետրա դե Սուտերի զեկույցին, որում բանաձև է ներառված, որը թույլ է տալիս Ռուսաստանին մասնակցել հունիսյան նստաշրջանին: Կողմ է քվեարկել 118 պատգամավոր, դեմ` 62-ը, 10-ը ձեռնպահ են մնացել:

Դրանից հետո ՌԴ-ն  ԵԽԽՎ աշխատանքներին մասնակցելու հայտ է ներկայացրել:

 Հիշեցնենք, որ ռուսական պատվիրակությունը 2014-ի ապրիլին Ուկրաինայում իրադարձությունների հետ կապված զրկվել է քվեարկության իրավունքից: