Վահե Գրիգորյանը չի ցանկացել մասնակցել աշխատակարգային նիստին. ՍԴ դատավոր

Այսօր ՍԴ-ի առջև Սահմանադրական դատարանի դատավոր Արևիկ Պետրոսյանը պատասխանել է լրագրողների հարցերին:

Դատավորը լրագրողներին տեղեկացրել է, որ Վահե Գրիգորյանը չի ցանկացել մասնակցել աշխատակարգային նիստին: Նա հեռացել է, իսկ նիստն անցկացվել է սահմանված ընթացակարգով:

Անդրադառնալով երեկ ԱԺ-ում Վահե Գրիգորյանի երդման արարողության ժամանակ նրա հնչեցրած արտահայտությանը, թե ինքը ստանձնում է «Սահմանադրական դատարանի նախագահի լիազորությունների և պարտականությունների կատարումը», Արևիկ Պետրոսյանը նշեց, որ ինքն այդ հարցով մեկնաբանություններ չի ուզում տալ: «Եթե տեսակետ ներկայացնելու անհրաժեշտություն լինի, ամբողջ դատարանով կներկայացնենք»,- եզրափակեց նա: