Բերձորում կհիմնվի գյուղատնտեսական քոլեջ

 

Հիմնադրամի ծրագիրն ուղղված է շրջաններում ապրող   երիտասարդներին   աշխատանքով  ապահովելուն:

 

«Հայաստանի  9  մարզերում  բացել ենք  արհեստագործական  ուսումնարաններ, որտեղ  ուսուցանվում են  վարսավիրական,   հասարակական  սնունդ  և  սապասարկում,  կար ու  ձև,  դիզայն, փայտամշակում,  հարդարման շինարարական  աշխատանքներ, համակարգիչների  վերանորոգում,  ռոբոտաշինություն,    ծրագրավորում, գինեգործություն, ոսկերչություն    և  այլն: Խորհրդակցելով  ԱՀ  ԿԳՍ  նախարարության    ներկայացուցիչների  հետ,  մենք՝  հիմնադրամի   ներկայացուցիչներս,  նկատել  ենք,  որ    ԱՀ-ում  գյուղատնտեսական մեծ  հնարավորություններ  կան, սակայն  մասնագետները  քիչ  են: Դրա  համար  ենք  մենք որոշել  ենք  Բերձորում     ստեղծել  գյուղատնտեսական   քոլեջ, որտեղ էլ  հենց  կպատրաստվեն  անհրաժեշտ  մասնագետներ»,-ավելացրել  է  Ա. Աբրահամյանը՝    ընդգծելով, որ   իրենց  նպատակն  է  մշտապես   օժանդակել   կրթական հաստատություններին  և  առանց  հիմնադրամի  թույլտվության   այն    չօգտագործել   այլ  նպատակներով:

Հիմնադրամի  ներկայացուցիչներին  ուղեկցող   ՀՀ   կրթության և գիտության  նպխարարության    նախնական  (արհեստագործական)   և   միջին  մասնագիտական   կրթության   վարչության   պետ  Արտակ  Աղբալյանն  էլ  ասել է, որ  Արցախի  և  Հայաստանի  համապատասխան  կառույցները  պարբերաբար  փոխանակվում են   ծրագրերով, նոր  չափորոշիչներով, փորձով:

«Բերձորում   գյուղատնտեսական  քոլեջ    հիմնելու  ծրագիրը   հերթականն է,   և  մենք   պայմանավորվածություն  ենք  ձեռք  բերել  Ն.  Աղաբալյանի  հետ, որ  կտրամադրենք  ներդրվող    մասնագիտությունների    բոլոր  չափորոշիչները, ձեռնարկները, դասագրքերը, կանցկացնենք դասախոսների վերապատրաստում, կվերանայենք  ԱՀ-ն տվյալ  մասնագիտության ծրագրերն: Մենք   կներդնենք  նաև  ձեռնարկատիրական  մոդուլը, որը  նորություն  է,  և  Հայաստանում  դեռևս  2  տարի է   ինչ    իրականացնում  ենք: Այն  նպատակ   ունի   շրջանավարտներին  տալ ոչ  միայն  տեսական  և գործնական  գիտելիքներ, այլև  ձեռնարկատիրական հմտությունների  մոդուլ, կիրականացնենք  նաև    շրջանավարտների վերապատրաաստումներ:   Կարծում  եմ՝  ծրագրի  իրականացումը  մեծ  դեր  է  ունենալու  արցախցիների  համար»,-մասնավորապես  ասել է  Ա.  Աղբալյանը: