Ռուսաստանը պետք է հայտնի իր հստակ դիրքորոշումը. Ադրբեջանի ԱԳՆ նախկին ղեկավար

Եթե ՌԴ-ն խրախուսում և աջակցում է Հայաստանի տարածքային հավակնություններին Ադրբեջանի նկատմամբ, ապա չի կարող միջնորդ  և ռազմավարական գործընկեր լինել մեզ համար: Այդ մասին իր ֆեյսբուքյան էջում գրել է Ադրբեջանի  ԱԳՆ նախկին ղեկավար Թոֆիկ Զուլֆուղարովը. հայտնում է Minval.az-ը:

«Ինչպե՞ս է Ռուսաստանը (կապված այն հանգամանքի հետ, որ ՀՀ-ն միակողմանի ստանձնել է Արցախի անվտանգության երաշխավորի դերը) տեսնում իր դաշնակցային պարտավորությունները Ադրբեջանի հետ ռազմական գործողությունների դեպքում: Ինչո՞ւ Ռուսաստանն իր միջնորդական առաքելության շրջանակում չի հայտարարում իր դիրքորոշումը, որ չի երաշխավորի Հայաստանի ռազմական աջակցությունը` կապված երկրի` Ադրբեջանի նկատմամբ աճած տարածքային հավակնությունների հետ»,- գրել է նա:

Ըստ Զուլֆուղարովի` Ռուսաստանի դիրքորոշման երկիմաստությունը վնասում է իրենց երկրների միջև բոլոր ոլորտներում հարաբերությունների  զարգացման հնարավորությանը:

«Ժամանակն է պատասխանել այդ հարցերին: Ընդ որում` վստահ եմ, որ ՌԴ ղեկավարության  հրապարակային, միանշանակ և սկզբունքային դիրքորոշումը կարող է լուրջ փաստարկ դառնալ ՀՀ ղեկավարությանը իրողությունների վերադարձնելու համար… կա՞մ»,- գրել է նա: