Թուրք ժողովուրդը մահապատիժ է ցանկանում. թուրք լրագրող

Թուրքական Akit հեռուստաընկերության թղթակից Մեհմեթ Օզմենը Ուլուջանլար բանտում գտնվող կախաղանի մոտ հայտարարել է, որ, բացի Աբդուլլահ Օջալանից և Ֆեթուլահ Գյուլենից, թուրք ժողովուրդը պահանջում է նաև քեմալական Հանրապետական-Ժողովրդական կուսակցության ղեկավար Քեմալ Քըլըչդարօղլուի մահապատիժը. հայտնում է Sputnik-ի թուրքական ծառայությունը:

«Կարծում եմ, որ թուրք ժողովուրդը սպասում է ոչ միայն ՔԱԿ-ի առաջնորդի և գյուլենականների ղեկավարի մահապատժին, այլև հույս ունի, որ կախաղան կհանվի նաև Քեմալ Քըլըչդարօղլուն: Ցավոք, 2004 թ.-ին մահապատիժը վերացվել է, քանի որ այս հողը դավաճանող ցանկացած անձ պետք է ահա այս կախաղանից կախվի»,- ասել է Օզմենը: