Բաց դռների օր` ՀՀ Վերաքննիչ դատարանում

ՀՀ վերաքննիչ քրեական և ՀՀ վերաքննիչ քաղաքացիական դատարանների հիմնադրման 20-ամյա հոբելյանի առթիվ փետրվարի 26-ին Վերաքննիչ դատարանում հայտարարվել է «Բաց դռների օր»: Այս մասին տեղեկանում ենք ԲԴԽ ֆեյսբուքյան պաշտոնական էջից:

Դատարանի բոլոր սահմանափակ և փակ գոտիները հասանելի են լինելու հանրության համար: Բոլոր ցանկացողները հնարավորություն կունենան շրջայց կատարելու դատարանում, ծանոթանալու դատարանի գործունեությանը, աշխատանքային առօրյային, մասնակցելու դատական նիստերի:

Փետրվարի 26-ին տեղի կունենան հետևյալ միջոցառումները.

• «Բաց դռների օր»` Վերաքննիչ դատարան (Գարեգին Նժդեհ 23), ժամը 10:00-13:00:
Դատարանի բոլոր սահմանափակ և փակ գոտիները հասանելի են լինելու հանրության համար: Բոլոր ցանկացողները հնարավորություն կունենան շրջայց կատարելու դատարանում, ծանոթանալու դատարանի գործունեությանը, աշխատանքային առօրյային, մասնակցելու դատական նիստերի, անձամբ իրենց հարցերն ուղղելու դատավորներին և դատարանի աշխատակիցներին: Ուրախ կլինենք հյուրընկալել աշակերտների, ուսանողների, իրավաբանների, հասարակական կազմակերպությունների ներկայացուցիչների և առհասարակ բոլոր հետաքրքրված անձանց:
Սիրով սպասում ենք և ակնկալում հասարակության լայն շրջանակների ներկայությունը:

Հրավիրում ենք զանգվածային լրատվության միջոցների ներկայացուցիչներին և լրագրողներին լուսաբանելու միջոցառումները:

• Կլոր սեղան-քննարկում,

• Ընդունելություն:

Միջոցառումներն անցկացվում են Եվրոպական միության և Եվրոպայի խորհրդի կողմից ֆինանսավորվող և վերջինիս կողմից իրականացվող «Աջակցություն Հայաստանում դատական բարեփոխումների իրականացմանը» ծրագրի օժանդակությամբ: