Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Մեդվեդևը հրապարակել է «Օրեշնիկ» հրթիռային համակարգ հարվածի տեսանյութը
2 րոպե առաջ Տարածաշրջան
ՔՊ կուսակցությանը նվիրատվություն կատարած ընկերությունը տուգանվում է նվիրած գումարի չափով․ «Ժողովուրդ»
16 րոպե առաջ Հասարակություն
Աղազարյանը վատ դրության մեջ է դրել ՔՊ-ին. համարձակ հերոս է խաղում․ «Ժողովուրդ»
26 րոպե առաջ Հասարակություն
Սիմիդյանի նախարարությունը չի կարողացել ապահովել Սևանա լճի հետ կապված աշխատանքների կազմակերպումը․ «Ժողովուրդ»
36 րոպե առաջ Հասարակություն
Ժամկետ խախտած ԿԳՄՍ նախարարը պատասխանատվություն կրելո՞ւ է. «Հրապարակ»
50 րոպե առաջ Հասարակություն
Ինչ ունեցվածք և դրամական միջոցներ ունի Քննչական կոմիտեի ղեկավարի հավանական թեկնածուն. «Ժողովուրդ»
1 ժամ առաջ Հասարակություն
Ուկրաինան Կանադայից կստանա NASAMS հակաօդային պաշտպանության համակարգը
16 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
16 ժամ առաջ Քաղաքական
Միջազգային քրեական դատարանը Բենիամին Նեթանյահուին և Յոավ Գալանտին ձերբակալության օրդեր է տվել
17 ժամ առաջ Աշխարհ
Նոր որոշումով 50.000-ի փոխարեն՝ 40.000. Արցախի հարցը իշխանության համար փակված է. դիտարկում
18 ժամ առաջ Քաղաքական

0 դիտում,

3 տարի առաջ - 2021-10-18 13:30

Աշխարհ

Պենտագոնի ղեկավարը կայցելի Ուկրաինա և Վրաստան՝ հայտնելու ՆԱՏՕ-ի դռների՝ բաց լինելու մասին

Պենտագոնի ղեկավար Լլոյդ Օսթինն Ուկրաինա և Վրաստան կատարելիք այցի ընթացքում կոչ կանի այս երկրների ղեկավարությանը՝ կատարել Հյուսիսատլանտյան դաշինքին անդամակցության պահանջները: Այս մասին ասվում է ԱՄՆ ռազմական գերատեսչության կիրակի օրը տարածած հայտարարության մեջ:

Դրանում նշվում է, որ Օսթինը «կայցելի Վրաստան, Ուկրաինա և Ռումինիա՝ նախքան Բրյուսելում ՆԱՏՕ-ի պաշտպանության նախարարների հանդիպմանը ժամանելը»: «Թե՛ Վրաստանում, թե՛ Ուկրաինայում Օսթինը կընդգծի, որ ՆԱՏՕ-ի դուռը բաց է և կհորդորի այդ երկրներին՝ կատարել անհրաժեշտ փոփոխությունները, որպեսզի նրանք կարողանան պաշտպանական դաշինքին անդամակցելու իրավունք ունենալ»,- ասվում է փաստաթղթում:

Պենտագոնի հայտարարության մեջ նշվում է, որ Ռումինիան «օրինակելի դաշնակից է»: «Ռումինիան անում է այն ամենը, ինչ մենք կարող ենք խնդրել ՆԱՏՕ-ի դաշնակիցից, այնպես որ՝ մենք հնարավորություն կունենանք նշելու և մեր երախտագիտությունը հայտնելու»,- նշել է ԱՄՆ պաշտպանության նախարարությունը:

«Երեք պետություններն էլ ելք ունեն դեպի Սև ծով, Օսթինն առաջնորդների հետ կքննարկի Սև ծովի անվտանգությունը, նա կձգտի ամրապնդել համագործակցությունը այս երեք երկրների միջև»,- նշել է Պենտագոնը՝ հավելելով, որ «Օսթինը կհանդիպի ամերիկացի զինվորականների հետ, որոնք աշխատում են վրաց, ուկրաինացի և ռումինացի զինվորականների հետ»:

ՆԱՏՕ-ի պաշտպանության նախարարների հանդիպման հիմնական թեմաներից մեկը կդառնա դաշինքի ռազմավարական նոր հայեցակարգը։ Հայտարարության մեջ նշվում է, որ «կքննարկեն նաև Ռուսաստանը»: Պենտագոնը նշել է, որ Հյուսիսատլանտյան դաշինքը «ավելի շատ է քննարկում Չինաստանի ներկայացրած խնդիրները»:

Պենտագոնը այս շաբաթվա սկզբին հայտարարեց, որ Օսթինը կայցելի Ուկրաինա, Վրաստան, Ռումինիա և Բելգիա: Այցերի ճշգրիտ ժամկետները չեն հաղորդվում: Ըստ Հյուսիսատլանտյան դաշինքի՝ ավելի վաղ հրապարակած տեղեկատվության՝ ՆԱՏՕ-ի երկրների պաշտպանության նախարարների հանդիպումը տեղի կունենա Բրյուսելում հոկտեմբերի 21-22-ը: Այն վարելու է ՆԱՏՕ-ի գլխավոր քարտուղար Իենս Ստոլտենբերգը:

Ավելի ուշ ԱՄՆ Պաշտպանության նախարարությունը պարզաբանեց, որ Օսթինը հնարավորություն կունենա քննարկելու «Ուկրաինայի առաջընթացը պաշտպանական և ռազմական արդյունաբերության ոլորտում բարեփոխումների իրականացման գործում, որոնք անհրաժեշտ են Կիևի եվրաատլանտյան ձգտումները առաջ մղելու համար», ինչպես նաև «դաշնակիցների և գործընկերների տարածաշրջանային համագործակցությունը»: Ուղեւորությունը կարեւորելու է «Ուկրաինայի ինքնիշխանությանն ու տարածքային ամբողջականությանը անսասան աջակցությունը»: