Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Ռուսաստանը «կործանարար դեր» է խաղում և, հետևաբար, պետք է «դուրս գա Մերձավոր Արևելքից», - այս մասին ասել է ԱՄՆ պետքարտուղարի օգնական Դեյվիդ Շենկերը հունիսի 4-ին Վաշինգտոնում Մերձավոր Արևելքի ինստիտուտում կայացած տեսակոնֆերանսի ժամանակ:
«45 տարի շարունակ դա ամերիկյան քաղաքականության հիմնաքարն էր` չթույլատրել ռուսների ներկայությունը Մերձավոր Արևելքում: Հիմա նրանք արդեն այնտեղ են, և նրանք կործանարար դեր են խաղում: Մենք անկեղծորեն հավատում ենք, որ նրանք պետք է դուրս գան այնտեղից », - նշել է Շենկերը:
Միևնույն ժամանակ, Շենկերը նշել է, որ Սիրիայում և Մերձավոր Արևելքում Ռուսաստանի դիրքերի ամրապնդումը ԱՄՆ նախկին նախագահ Բարաք Օբամայի վարչակազմի մեղքն է, որը հույս ուներ, որ դրանով կթուլացնի ռուսներին։
«Ռուսները փոխել են պատերազմի ընթացքը, և Ասադի ռեժիմը շարունակում է մնալ: Անկեղծ ասած, ես դա համարում եմ ձախողում », - ասաց Շենկերը:
Հիշեցնենք, որ 2015-ի աշնանից ի վեր Սիրիայի օրինական կառավարության պաշտոնական խնդրանքով Ռուսաստանը ռազմական օգնություն է տրամադրում Սիրիային ահաբեկչական խմբավորումների դեմ պայքարում և երկրի խաղաղ կյանքը վերականգնելու համար: