Դիմումն իրավաբանորեն բավարար կերպով հիմնավորված չէ. ՍԴ-ն՝ Քոչարյանի փաստաբանական թիմին

Սահմանադրական դատարանը մերժել է Ռոբերտ Քոչարյանի փաստաբանական թիմի կողմից ներկայացված դիմումի քննությունը։

Ռոբերտ Քոչարյանի փաստաբանական թիմը հայտնում է, որ ՍԴ-ն գտել է, որ դիմումը բավարար կերպով իրավաբանորեն հիմնավորված չէ, բայց, միևնույն ժամանակ, իրավակիրառ պրակտիկայի տեսանկյունից կատարել է մի շարք կարևոր դիտարկումներ։

«Բոլոր դատարանները կարող են մեկնաբանել և կիրառել Սահմանադրության դրույթները, սակայն վերջնական լուծում կարող է տալ միայն ՍԴ-ն, նման մոտեցում արձանագրվել էր նաև մեր դիմումում։ ՍԴ-ն նաև շատ հստակ ընդգծել է, որ դատարանները, առավել ևս` Վճռաբեկ դատարանը, եթե նկատում են, որ կա իրավական նորմի մեկնաբանման խնդիր, որն ուղղակիորեն առնչվում է սահմանադրականության հարցին, պարտավոր են դիմել Սահմանադրական դատարան: Սսա իրավունքի զարգացման տեսանկյունից շատ կարևոր որոշում է»,- պարզաբանել է ՍԴ-ում Ռոբերտ Քոչարյանի ներկայացուցիչ, իրավաբան Արամ Վարդևանյանը։