ՌԴ-ն կպաշտպանի Կարակասի ինքնիշխանությունը. ՌԴ ԱԳՆ

ԱՄՆ-ը միջամտում է Վենեսուելայի ներքին գործերին, միջազգային նորմերի նման կոպիտ խախտումը չպետք է վրիպի ՄԱԿ-ի Անվտանգության խորհրդի ուշադրությունից: Այդ մասին հայտարարել է ՌԴ Պետդումայի միջազգային հարցերով հանձնաժողովի անդամ Սերգեյ Ժելեզնյակը. հայտնում է РИА Новости-ն:

Ըստ նրա` Վենեսուելայում  տեսնում ենք արտաքին ուժերի կողմից քաղաքական մանիպուլյացիաների և սադրանքների ցավալի օրինակ, նրանք նպատակ ունեն փլուզել երկիրը, փոխել իշխող վարչակազմը, որն անկեղծորեն ձեռնտու չէ Վաշինգտոնին:

Իսկ ՌԴ ԱԳՆ-ն հայտարարել է, որ Ռուսաստանը կպաշտպանի Կարակասի ինքնիշխանությունը:

Հիշեցնենք, որ Վենեսուելայում շարունակվում են նախագահ Նիկոլաս Մադուրոյի դեմ ցույցերը: Ընդդիմության առաջնորդ Խուան Գուաիդոն իրեն երկրի նախագահ է  հռչակել, նրան ճանաչել են ԱՄՆ-ը, Վրաստանը և այլ երկրներ: ԱՄՆ-ը հրաժարվում է կատարել Մադուրոյի պահանջը և դուրս բերել երկրից իր դիվանագետներին: