Փոքր բիզնեսը պատրա՞ստ է կատարել լրացուցիչ ծախսեր

ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը իր ֆեյսբուքյան էջում անդրադարձել է ՊԵԿ-ի հայտարարությանը` ՀԴՄ սարքերի վերաբերյալ:

«Փոքր և միջին բիզնեսի բազմաթիվ ներկայացուցիչները պատրաստ չեն 2019 թվականի հունվարի 1-ից նոր սերնդի ՀԴՄ-ների տեղադրմանը, քանի որ

1. տարեվերջում տարիներ շարունակ նոր սերնդի ՀԴՄ-ների տեղադրման ժամկետները հետաձգվել են,

2. նոր սերնդի ՀԴՄ-ների տեղադրումը լրացուցիչ ծախս է անկախ նրանից այդ գումարը տարաժամկետ է վճարվում, թե միանվագ /160 000 ՀՀ դրամ/,

3. մեծ ցանկանության դեպքում էլ գործնականում հնարավոր չէ արագ ձեռք բերել նոր սերնդի ՀԴՄ-ներ:

ՀՀ ՊԵԿ-ը պետք է հաշվի առնի առկա իրողությունները և նախկին գործելաոճը»,- գրել է նա:

Նշենք, որ ՊԵԿ-ը հայտարարություն էր տարածել այն մասին, որ 2019թ հունվարի 1-ից պարտադիր կլինի նոր սերնդի ՀԴՄ-ների կիրառությունը: