Ֆրանսիայի «դեղին բաճկոնավորները» շաբաթ օրը կշարունակեն բողոքի ակցիաները

Ֆրանսիայում շաբաթ օրը՝ դեկտեմբերի 22-ին, կրկին պլանավորված են «դեղին բաճկոնավորները» շարժման բողոքի մի քանի ակցիաներ: Այդ մասին դեկտեմբերին 21-ին հայտնել են տեղական ԶԼՄ-ները:

«Դեղին բաճկոնավորները» դեռեւս չեն որոշել Ֆրանսիայի մայրաքաղաքում իրենց ակցիայի ստույգ վայրը:
Ըստ որոշ տվյալների, նրանք մտադիր են հավաքվել նաեւ Վերսալում, այդ կապակցությամբ այս քաղաքում հայտնի պալատական համալիրի ղեկավարությունը որոշել է շաբաթ օրը դղյակը փակել այցելությունների համար:

BFM հեռուստաալիքի տվյալներով՝ «դեղին բաճկոնավորները» մտադիր են բողոքի ակցիաներ անցկացնել մի շարք այլ քաղաքներում, այդ թվում՝ Լիոնում, Դիժոնում:

Դիտորդները նշում են, որ շաբաթ օրվա բողոքի ակցիաները նվազ զանգվածային կլինեն: Նրանց կարծիքով՝ «դեղին բաճկոնավորների» ակտիվության նվազումը մեծապես կապված է կարիքավոր ֆրանսիացիներին օգնության այն միջոցառումների հետ, որոնց մասին ավելի վաղ հայտարարել էր Ֆրանսիայի նախագահը: