ԱՄՆ-ի հետ մի շարք առևտրային հակասություններ վերացել են. Չինաստանը հաստատել է

Չինաստանը և ԱՄՆ-ը կարողացել են կոնսենսուսի հասնել մի շարք կետերի վերաբերյալ, որոնք վերաբերում են գյուղատնտեսական ապրանքներին, էներգառեսուրսներին և մեքենաներին: Այդ մասին հայտարարել է Չինաստանի առևտրի նախարարության պաշտոնական ներկայացուցիչ Գաո Ֆենը. հայտնում է РИА Новости-ն:

Այդ մասին նա ասել  է` պատասխանելով հարցին` ճիշտ է արդյո՞ք, որ  Չինաստանը համաձայնել է իջեցնել ամերիկյան մեքենաների ներկրման համար գործող 40 տոկոսանոց մաքսատուրքերը` հասցնելով դրանք 15 տոկոսի:

Նշենք, որ նման համաձայնության կողմերը կարողացել են հասնել Արգենտինայում G20-ի շրջանակում կայացած Թրամփ-Ցզինպին հանդիպման արդյունքում: