ԿԸՀ-ն սկսել է բողոք-դիմումների հետ կապված ուսումնասիրություն իրականացնել

Կենտրոնական ընտրական հանձնաժողովն արդեն սկսել է բողոք-դիմումների հետ կապված ուսումնասիրություն իրականացնել: ԿԸՀ նախագահ Տիգրան Մուկուչյանը լրագրողների հետ հանդիպման ժամանակ ասաց, որ, սակայն, դեռևս վերլուծություն չեն արել: Նրա խոսքով` այսօրվա ընթացքում կփորձեն հասկանալ` որ տարածքում ինչքան են գրանցամատյանների գրառումները, ինչպիսի դիմումներ են ստացել:

Խոսելով ընտրություններին պատրաստվածության մասին` Մուկուչյանը նշեց, որ բարձր պատասխանատվությամբ են մոտեցել գործին: «Նախապատրաստական աշխատանքների համար խիստ կարճ ժամկետներն էին տրված, բայց գործառույթների ծավալը դրանից չէր փոքրանում: Այսինքն` մենք պետք է համեմատաբար կարճ ժամանակահատվածում իրականացնեինք նույն աշխատանքը, ինչ նախորդ ընտրությունների ժամանակ»,- ասաց նա: