Քարոզարշավի ընթացքում խախտումների վերաբերյալ ոստիկանությունը ստացել է 81 հաղորդում

ԱԺ արտահերթ ընտրությունների քարոզարշավի ընթացքում տեղի ունեցած խախտումների վերաբերյալ ոստիկանությունում ստացվել և քննարկվում է, ընդհանուր առմամբ, 81 հաղորդում։

Ահազանգերից 26-ը՝ առերևույթ հանցագործության հատկանիշներ պարունակող, իսկ 55-ը՝ ստուգման ենթակա այլ տեղեկություններ են։ Նշված 81-ից 25-ը Երևան քաղաքում են, իսկ մնացած 56-ը՝ հանրապետության մարզերում։ Հանցագործության մասին 26 հաղորդումներից 3-ը գտնվում են ՀՀ քննչական կոմիտեի վարույթում, 1 դեպքով հարուցվել է քրեական գործ և գործն ուղարկվել է ՀՔԾ, իսկ մնացած 22 դեպքերով ոստիկանության ստորաբաժանումներում նախապատրաստվում են նյութեր։ Ստուգման ենթակա 55 հաղորդումներից 17-ը, անհիմն լինելու պատճանաբանությամբ, թողնվել են հետևանք, իսկ 38-ով դեռևս կատարվում են ստուգումներ։