«Ընդդեմ» քարոզարշավն արդյունավետ չէ երկրի զարգացման համար. Ալավերդյան

Քարոզարշավը նշված ժամկետից շուտ է սկսվել, բայց, ի տարբերություն նախորդ տարիների, ԿԸՀ-ն այն դիտարկել է օրենքի շրջանակում, ինչը  նորություն է: Այս մասին լրագրողների հետ զրույցում ասաց «Ընդդեմ իրավական կամայականությունների» ՀԿ-ի գործադիր տնօրեն, ՀՀ մարդու իրավունքների նախկին պաշտպան Լարիսա Ալավերդյանը:

«Ես կանխատեսել էի, որ պիտի լինի սև փիար և «ընդդեմ» աշխատանք, դա տեսանք հենց առաջին օրը: Հորդորում եմ բոլորին` անցնել դրական դաշտ, որտեղ ամեն մարդ պիտի ասի իր անելիքը: «Ընդդեմ» քարոզարշավն արդյունավետ չէ երկրի զարգացման համար: Ի դեպ, սա արվում է ոչ միայն վարչապետի պաշտոնակատարի կողմից, այլև բոլորի»,- նշեց նա: