Ուկրաինան պատրաստվում է նախագահական ընտրությունների չեղարկմանը. ռուս սենատոր

Ուկրաինան պատրաստվում է նախագահական ընտրությունների չեղարկմանը, որոնցում նախագահ Պյոտր Պորոշենկոն, ամենայն հավանականությամբ, կպարտվի: Նման կարծիք հայտնել է սենատոր Օլեգ Մորոզովը. հայտնում է РИА Новости-ն:

Նրա խոսքով` այդ նպատակի համար ընդունելի են ցանկացած միջոցներ` նավերի ներխուժում ՌԴ-ի ջրատարածք,  ռազմական դրության սահմանում, կրակոցներ Դոնբասում:

Երեկ ուկրաինական մի քանի նավեր հատել են ՌԴ-ի սահմանը: Դրանք մտել են ռուսական` ժամանակավորապես փակ ջրատարածք և չեն ենթարկվել ռուսական կողմի նախազգուշացումներին: Ռուսական կողմը կրակ է բացել, վիրավորվել է 3 ուկրաինացի զինվորական, նրանց բժշկական օգնություն են ցույց տվել, կյանքին սպառնացող վտանգ չկա: Նավերը ձերբակալվել են:

ՌԴ-ն քրեական գործ է հարուցել և ՄԱԿ-ի Անվտանգության խորհրդի շտապ նիստ հրավիրել Ազովի ծովում ստեղծված իրավիճակի հետ կապված:

Ուկրաինան կատարվածից հետո ռազմական դրություն հայտարարելու մասին որոշում է կայացրել: