Ադրբեջանի ԱԳՆ-ն արձագանքում է Փաշինյանին

Ադրբեջանի ԱԳՆ մամուլի խոսնակ Լեյլա Աբդուլաևան արձագանքել է Հայաստանի Հանրապետության վարչապետի ժամանակավոր պաշտոնակատար Նիկոլ Փաշինյանի՝ «Փարիզի խաղաղության համաժողովի» շրջանակում ունեցած ելույթին, որում նա խոսել է աշխարհի ժողովուրդների՝ օրենքի ուժով ազատ կամքի դրսևորմամբ սեփական ճակատագիրը տնօրինելու իրավունքի մասին. հայտնում է Москва-Баку-ն:

Աբդուլաևան կրկնել է ադրբեջանական հին երգը միջազգային նորմերը խախտելու, ադրբեջանական «տարածքները  օկուպացնելու» մասին և խորհուրդ տվել Փաշինյանին. «Խաղաղության և լավ ապագայի մասին խոսելը, իհարկե, լավ է: Սակայն կարևոր է ոչ թե բարձրագոչ խոսել, այլ գործել` ասածի համաձայն»: