Խաչանովը դուրս է եկել Փարիզի Մասթերսի 1/4 եզրափակիչ

Ռուսաստանը ներկայացնող թենիսիստ Կարեն Խաչանովը դուրս է եկել Փարիզի «Մասթերս» շարքի մրցաշարի քառորդ եզրափակիչ: 

1/8 եզրափակչում Խաչանովը 6:4, 6:7 (9:11), 7:6 (10:8) հաշվով առավելության է հասել ամերիկացի Ջոն Իսների նկատմամբ: Խաչանովը կարող էր հաղթել 2 սեթում, սակայն երկրորդ սեթի թայ-բրեյքում չի կարողացել իրացնել 3 մատչ-բոլ: 

2 ժամ 28 րոպե տևած հանդիպման ընթացքում Խաչանովի ակտիվում գրանցվել է 11 էյս, 3 կրկնակի սխալ և 1 բրեյք-փոյնթ՝ 5 հնարավորից: Իսների ակտիվում գրանցվել է 19 էյս և 4 կրկնակի սխալ:

Փարիզի մրցաշարի քառորդ եզրափակիչ դուրս գալու շնորհիվ Խաչանովն առաջիկա երկուշաբթի կդառնա Ռուսաստանի առաջին ռակետը:

Հավելենք, որ կիսաեզրափակիչ դուրս գալու համար հայկական արմատներով թենիսիստը մրցելու է Ալեքսանդր Զվերև (Գերմանիա)-Դիեգո Շվարցման (Արգենտիան) զույգի հաղթողի հետ: