Սաուդցի լրագրողին չէին կարող սպանել առանց ԱՄՆ-ի աջակցության. Ռոհանի

Սաուդցի ընդդիմադիր լրագրող Ջամալ Խաշուկջիի սպանությունը չէր կարող տեղի ունենալ առանց ԱՄՆ-ի աջակցության: Այդ մասին հայտարարել է  Իրանի նախագահ Հասան Ռոհանին. հայտնում է ТАСС-ը:

«Չեմ կարծում, որ որևէ մեկը կարող էր գնալ նման հանցագործության առանց ԱՄՆ-ի աջակցության: Ոչ ոք անգամ պատկերացնել չէր կարող, որ այսօր,  ժամանակակից դարաշրջանում կարող ենք նման սպանության վկա լինել»,- ասել է Ռոհանին:

 Նա նաև դատապարտել է  լրագրողի սպանությունը և կոչ  արել Թուրքիային`  մանրակրկիտ և անաչառ հետաքննություն անցկացնել:

Խաշուկջին սպանվել է Ստաբուլում Սաուդյան Արաբիայի հյուպատոսությունում: Ըստ Սաուդյան Արաբիայի պաշտոնական վարկածի` դա տեղի  է ունեցել ծեծկռտուքի հետևանքով: