Ողջ հայ ժողովուրդը պետք է պատրաստ լինի Ադրբեջանին տալու անհրաժեշտ հակահարված. Նիկոլ Փաշինյան

Հրապարակվել է «Զինուժ» հաղորդման անոնսը: Հաղորդման հյուրն է ՀՀ վարչապետ Նիկոլ Փաշինյանը, ով խոսել է ԼՂ կարգավորման, Ադրբեջանի նկրտումների և պատերազմի մասին:

Վարչապետի խոսքով` գերագույն հրամանատարի կարեւորագույն հատկությունն ու հմտությունը դժվարության եւ օրհասական պահին հանրությանը, պետությանը, ժողովրդին, Զինված ուժերին համախմբելու կարողությունն ու ընդունակությունն է: Եվ այսօր Հայաստանի ռազմաքաղաքական առավելություններից մեկը ուժեղ եւ մարտունակ բանակի գոյությունն է:

« Ադրբեջանը շատ երկար տարիներ իր դիրքորոշումներով ապացուցում է, որ Լեռնային Ղարաբաղի հարցի կարգավորման իր պատկերացումը պատերազմն է: Սա նշանակում է, որ ոչ միայն Հայաստանի Հանրապետությունը, այլ ողջ հայ ժողովուրդը պետք է պատրաստ լինի տալու անհրաժեշտ հակահարված: Որեւէ մեկը չի կարող մեզ հետ սպառնալիքների, հարկադրանքի, ուժի լեզվով խոսել. «Մեր զինվորներին ուզում եմ ասել՝ դուխով»»,- ասաց Փաշինյանը: