Այս պահին Երևանում sett-weather
Փոխարժեքներ 18 11 2025
USD ⚊ $ 381.72
EUR ⚊ € 442.6
RUB ⚊ ₽ 4.7045
GBP ⚊ £ 502.04
GEL ⚊ ₾ 140.99
կարևոր
0 դիտում, 7 տարի առաջ - 2018-07-24 15:36
Տարածաշրջան

Նեթանյահուն Էրդողանին մեղադրել է քրդերի ու սիրիացիների սպանության մեջ

Նեթանյահուն Էրդողանին մեղադրել է քրդերի ու սիրիացիների սպանության մեջ

Իսրայելի վարչապետ Բինյամին Նեթանյահուն Թուրքիայի նախագահ Ռեջեփ Թայիփ Էրդողանին մեղադրել է քրդերի ու սիրիացիների սպանության մեջ, նաև հայտարարել, որ Էրդողանի օրոք Թուրքիան վերածվում է մռայլ բռնապետության. հայտնում է
РИА Новости-ն:

Նման հայտարարություն վարչապետն արել է ի պատասխան Էրդողանի քննադատությանը Իսրայելի` պետության հրեական բնույթի մասին օրենքի հասցեին: Էրդողանը մասնավորապես այն որակել էր որպես ռասիստական, ֆաշիստական և սիոնիստական քաղաքականության ապացույց` հավելելով, որ  որոշ իսրայելցի պաշտոնյաների շրջանում «գերեզմանից հառնել է Հիտլերի հոգին»:

 

«Էրդողանը սպանում է սիրիացիներին ու քրդերին, բանտեր նստեցնում իր տասնյակհազարավոր քաղաքացիների: Պետության հրեական բնույթի մասին օրենքի վրա մեծ «ժողովրդավար» Էրդողանի հարձակումը հաճոյախոսություն է օրենքի մասին: Թուրքիան Էրդողանի օրոք վերածվում է մռայլ բռնապետության: Մինչդեռ Իսրայելը ապահովում է իր քաղաքացիների իրավահավասարությունը` ինչպես օրենքի ընդունումից առաջ, այնպես էլ` հետո,- ասել է Նեթանյահուն:

Անցյալ շաբաթ Իսրայելի խորհրդարանը սահմանադրական օրենք է ընդունել պետության հրեական բնույթի մասին, որը բողոքի ալիք է բարձրացրել արաբական փոքրամասնության շրջանում:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2025 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը